പോഷകാഹാരമേള സംഘടിപ്പിച്ചു ചെമ്മനാട് ജമാ അത്ത് ഹയർ സെക്കണ്ടറി സ്കൂളിലെ പ്രവർത്തിപരിചയ ക്ലബ്ബിന്റെ ആഭിമുഖ്യത്തിൽ ലോക പ്രകൃതി സംരക്ഷണ ദിനാചരണത്തിന്റെ ഭാഗമായി പോഷകാഹാരമേള സംഘടിപ്പിച്ചു. എട്ട്,ഒൻപത് ക്ലാസുകളിലെ ആദ്യത്തെ യൂണിറ്റായ ആഹാരവും കൃഷിയും എന്ന പാഠഭാഗത്തെ ആസ്പദമാക്കിയാണ് കുട്ടികൾ പോഷകാഹാരം തയ്യാറാക്കിയത്. മനുഷ്യ ശരീരത്തിന്അവശ്യം വേണ്ട ജീവകങ്ങൾ, പൊട്ടാസ്യം, കാൽസും, പ്രോട്ടീൻ, കാർബോഹൈഡ്രേറ്റ് ഇങ്ങനെ എല്ലാ സവിശേഷതകളും ഉള്ള പോഷക സമുദ്ധവും ആരോഗ്യകരവും സമീകൃതവുമായ ഏതാനും ഭക്ഷണ പദാർത്ഥങ്ങൾ ലളിതമായ രീതിയിൽ തയ്യാക്കുന്ന വിധം പരിചയപ്പെടുത്തിയതിന്റെ അടിസ്ഥാനത്തിലാണ് അമ്പതിൽപരം കുട്ടികൾ പോഷകാഹാരം തയ്യാറാക്കി സ്കൂളിൽ പ്രദർശിപ്പിച്ചത്. പ്രദർശനത്തിൽ പ്രാദേശികമായി ലഭ്യമായ തകര, തഴുതാമ, മത്തൻ ഇല, കൊടിതൂവ, പച്ച ചീര, കൊടങ്ങൽ, ചുവന്ന ചീര, ചായ മൻസിൽ, വേലി ചീര, കപ്പ ചീര, കോവയില തുടങ്ങിയ ഇലക്കറികളും ചക്ക വിഭവങ്ങളായ ചക്ക ഹലുവ, ചക്കജാം, ചക്കക്കുരു ജ്യൂസ്, ചക്കക്കുരു-പയറ് കറിയും ചേനതണ്ട് വറവ്, പപ്പായപോള,ബനാനകേക്ക്, മധുരക്കിഴങ്ങ് പുഴുക്ക്, കപ്പപുഴുക്ക്, ചിക്കു ഫുഡിങ്ങ്, ക്യാരറ്റ് ഹലുവ, ചോളം പുഴുക്ക് തുടങ്ങിയവയും പ്രദർശിപ്പിച്ചു. ബ്ലോക്ക് പഞ്ചായത്തംഗവും ജമാഅത്ത് ജനറൽ സെക്രട്ടറിയുമായ ബദറുൽ മുനീർ എൽ എ ഉദ്ഘാടനം നിർവഹിച്ചു. പി ടി എ പ്രസിഡണ്ട് പി എം അബ്ദുള്ള അധ്യക്ഷം വഹിച്ച ചടങ്ങിൽ രേഖ എം പി സ്വാഗതം പറഞ്ഞു. ഹെഡ് മാസ്റ്റർ കെ വിജയൻ, പി ടി എ എക്സിക്യൂട്ടീവ് മെമ്പർ ബി എച്ച് അബ്ദുൾ ഖാദർ, ജമാ അത്ത് സെക്രട്ടി സി എച്ച് സാജു എന്നിവർ സംസാരിച്ചു.
No comments:
Post a Comment